江浙滬 (堪富利士道) (已結業)

放假出街玩完又到左要医肚嘅时候喇，朋友仔一个话想食中菜，一个就话上海嘢，另一个就无所谓。行行下见到呢间就决定入去试下。入到去等左阵就有枱，因为咁啱有人食饱埋单。装修都几古色古香，好似去左大陆咁，啲server都几切合文化，一于唔理你，叫多几次就好大声喝番你转头。如果系咁嘅服务，就算系几好食都唔会再去，更何况系好普通而且唔平。喺尖沙嘴呢个咁多美食选择嘅地方，如果想食得好少少又唔想俾人咁对待，奉劝大家三思。