長發海鮮酒家 (已結業)

星期日又系family day既日子，一家人食咩好？饮茶最适合不过。今次向鲗鱼涌出发，试下长发海鲜酒家。今次总共叫左9个点心，雪山叉烧包、潮州粉果、沙爹金钱肚、叉烧肠粉、山竹牛肉、红枣糕、鲮鱼球同埋鲍片滑鸡粥！先讲好食既点心，菠萝包皮既叉烧包同平时既中式叉烧包口感好唔同，不过都系好食既！沙爹金钱肚系极力推介既一款，因为好淋同埋好入味，但萝白就好爽口（应该未熟晒），我唔食萝白既所以觉得冇咩所谓！山竹牛肉、红枣糕、鲮鱼球、粉果、粥就正常味道，冇咩特别！差既有肠粉，上枱时已唔热，所以啲皮好厚同硬。总括黎讲系一间普通质素既酒楼！