新興食家

营业中

休息中

礼拜日放假当然就训耐d 11-12点先醒啦，训醒肚饿就同屋企人饮茶。今日屋企人提议去坚尼地城试下呢间新兴食家。呢间茶楼之前都听过知佢开凌晨三点到下午四点，见到个钟就拿拿临出门口医肚。去到等左5分钟左右就有位，坐底开左茶就出去柜位嗌点心食。除左出去嗌之外间唔中都有阿姐攞住新鲜出炉嘅点心问要唔要，每次4-5笼真系手快有手慢无。三个人嗌左几款点心。隔离熟客推介必试流沙包真系好正，奶皇酱唔水，仲会起沙。莲蓉包入面多馅，咸蛋黄都几大旧。仲要推介胡椒猪肚，味道唔太辣又唔腥，食落口好香。呢到仲有其他地方未必再见到嘅传统点心。饮早茶甚至下午茶都会有正点心食。阿姐仲教落想少d人就weeekend早d黎。呢到一定会再黎食。