The Upper Deck (裝修中)

又去试东涌海边新餐厅啦😆 上次试咗Cabana Breeze觉得唔错，今次试咗The Upper Deck都觉得几好哦😋星期六中午时间，人流都唔算多，可以坐窗口位望住片海，好relaxing ☺️ Weekend 餐厅会提供brunch menu, 但我哋拣咗散叫。 🌟Texas BBQ Baby Rack Ribs 一上枱俾个超级深色嘅BBQ sauce吓亲，以为烧㶶咗🤣 睇真啲原来系sauce深色😅 呢个Ribs烧得好好，肉质好嫩，个sauce好特别，劲正👍🌟意大利手工全蛋幼扁面呢个手工意粉超推介👍面质弹牙有咬口，蛋味好香。配上芝士、烟肉条等配料，仲有高质橄榄油，成个配搭好夹，手工意粉迷必试😋🌟手打羊肉汉堡羊肉汉堡真系第一次试，估唔到味道好唔错😋 手打羊肉非常juicy, 羊肉味香而不膻，啖啖肉好正😋成餐饭虽然有啲邪恶，但可以望住个机场海景慢慢食，过一个悠闲假日，真系几舒服☺️餐厅食物质素好好，但卫生方面可以做好少少😆 我哋一入坐，发现张枱有啲面包碎同污渍🤭🤭 另外侍应如果可以积极少少加水就更加好啦😅