School Food (已結業)

一到假期就会瞓到云朝百晏，返工返咗成个礼拜，真系攰到赖住张床唔愿起身㗎～直到个肚打鼓假期的中午12点，餐厅隔离嘅溜冰场已经有好多小朋友喺到练习紧，对于咁迟先起身嘅大人来讲，真系觉得有点儿惭愧。低成本制作嘅海报menu，大大张，罗列晒所有餐点。我哋拣咗同芝士有关嘅主食，决定食饱饱再行街街。一摆上台就闻到好大阵紫菜味，为面头好大撇芝士而雀跃。但其实啲牛肉同芝士都系面头果一阵，餐牌上有辣味提醒，但可能我哋都钟意食辣，所以唔觉得有辣，反而觉得汤底偏咸。面质就系普通韩式拉面，总算不过不失。呢款先系重点，份量刚好，成碟都系芝士同肉酱，重口味之选。每夹一嚿芝士都黏咗芝士，拉丝嘅诱惑！惹味十足假期当然要坐低慢慢叹㗎啦，于是叫咗个芒果艾菲，实行慢活。