東海堂 (黃埔天地奇妙坊)

营业中

休息中

偶爾係東海堂豪一次買下貴價少少既西餅黎填滿成家人既胃未嘗唔係一件好事 , 可以坐埋享受甜甜家庭樂 , 又可以食到新產品 , 簡直係一舉兩得呀。 蕉味無窮 ~ Dad好鐘意香蕉 , 所以呢件就比左佢試食 , 拎出黎個陣已經聞到淡淡既香蕉味道 , 霋下眼就已經落左Dad個肚度 , 佢仲想添食多一件就証明左唔錯啦。 妙趣曲奇 ~ 細佬一路食一路讚 , 朱古力蛋糕既味道岩岩好 , 上面層Cream就好似石板街咁有d曲奇粒 , 增加左咬感。 粒粒藍苺千層酥 ~ 我平時好怕食千層酥個陣食到散哂周圍跌 , 好彩呢件西餅既size夠纖長 , 而且又係自己屋企就唔需要顧儀態可以咬大啖d , 一次過食哂咁多層 , 酥皮好脆好香 , 面層既藍苺夠甜 , 真係好正。 粒粒芒果千層酥 ~ 4件西餅入面 , Mum一定係會食呢件 , 千層酥一樣咁脆 , 不過芒果就略遜一籌 , 唔夠甜帶點酸 , 幸好有d糖漿溝埋就好少少。