茶木‧台式休閒餐廳 (已結業)

真系完全唔知九龙湾淘大竟然有间茶木！据知九龙湾mega box 同德福都有，估唔到淘大都有！平时行开淘大只要都系一期果边，好少过黎三期，今次因为想望下戏院有咩新戏睇先过黎行下，估唔到就发现呢间茶木。原本谂住等食下午茶，仲有半个钟左右，不过朋友等唔切，就直入。过左食lunch最忙既时间，餐厅冇人排队，可以直入。酥炸鸡排面食茶本真系唔可以唔食呢个炸鸡排面，炸得好好食，我觉得好食过德福，少粉之余仲大大旧，唔会炸得干身，仲有肉汁，鸡排食落又唔会太瘦，肥肥地更加好味！面份量对男人黎讲会少d，我食晒成个面都仲有炸鸡排未食完，莞茜都好多，清热都唔错，汤底又系浓味，食完真系会好满足！自选套餐︰四式拼盘(牛)，地瓜新竹米粉朋友最like自选套餐，每野少少食到好多款野食，前茶有蛋、泡菜及豆腐，朋友话个豆腐最好食，系煎过的，有d似玉子豆腐咁，外硬内软。四式拼盘即系卤水拼盘，份量都唔少嫁，我都忍唔住试左，真系好抵食。食完浓味卤水，配个淡味少少的新竹米粉真系一绝。升级饮品lunch/tea都有呢个优惠，可以+$5升级饮品，仲要餐牌上咩都得(除新鲜果汁外)，我饮冻巧克力火山，大大杯超正！巧克力味浓，足料！朋友就饮