百樂金宴

营业中

休息中

黄大仙中心附近可以饮茶嘅地方唔多，应该系因为地方够大，容易等位嘅关系，百乐金宴就成为左其中一间最多人去嘅。以食物质素来讲，其实不过不失。如果两个人去食嘅话，叫得太多唔同嘅点心又怕会食唔晒，好彩有点心拼盘，有虾饺、烧卖、马拉糕、潮州粉果等等，如果两个人食就应该啱啱好足够。点心以外小食份量偏多，好似春卷，其他酒楼通常得三条，但系呢度就四条，仲要非常足料，比出面食到嘅都粗。可能因为系午市嘅时间去，冇任何嘅特价优惠，收费都偏贵，如果想悭少少钱嘅话，可以喺一座嘅时候叫佢哋收走花生，唔系特别好食，但好似都$10左右。