幸腹滿屋日本料理 (已結業)

之前都去过一两次呢间餐厅，不过都系食定食，所以今次就决定试下佢d鱼生饭。一行两人lunch去食，我朋友叫左个三文鱼饭，我叫左个吞拿鱼腩蓉饭。朋友个三文鱼饭就唔方便评论，因为我无食，只系见到卖相都唔错。每一个套餐都会包一个salad，一个汤同埋一杯热饮。上菜既速度都好快，卖相都几靓几吸引。我习惯将wasabi+豉油倒落饭度一齐搅拌食，开头都几好唔错，吞拿鱼腩都算新鲜同几肥。不过食到最后几啖就会感觉饭唔太够，几啖都净系食紧鱼蓉。份量唔算大，我自己本身唔肚饿都可以轻易食晒，不过之后3点几4点就会感觉想再食野。坐位方面都十分舒适，同朋友倾下计都几理想，不过当满座既时候就会有少少热。埋单两个人大概170，我觉得价钱偏贵，但系都会间唔中去食下，唔错，可以一试。