影片
更多
2010-07-19
13 浏览
今日同行日个小朋友，我负责照顾，所以好多食物都冇机会影。环境：1) 装修唔错，好光猛，又唔会话老套。2) 问题系上二楼𠮶条楼梯每级好高，上又辛苦，落又危险。3) 每间房都有私人电视。散枱都有电视睇。服务卫生：所有人都态度诚恳有礼，赞！1) 小朋友唔小心，跌左手上既朱古力豆，搞到成地都系。姐姐仔不但冇责怪我地，重脸带笑容叫妹妹小心保存手上剩余𠮶D，同马上清理。2) 好细心地不时帮我地加汤，换碟，换湿巾。3) 伙计好够，所以我地唔需要成日训攑手。味道：参差 清汤底：好清好多菜，包括红萝卜，南瓜，菇，豆腐，重有竹笙添，赞。 手切本地牛肉：小朋友食得最多。佢话容易食（因为够薄，而且唔靱），个汁好好味。 虾丸：小朋友第二favourite。好弹牙，有虾味，正。 猪腰：个样都ok，不过块块唔同口感，有爽有粉，唔掂。小朋友唔钟意个味（有少少押）重lur返出黎。 猪红：食第一口就觉得非常押。我以为系我唔好彩，点知食多两旧都系咁押，煲到连个汤都押埋。 萝卜牛坑腩：好厚好靱又肥。 日本黑豚：切得够薄，所以好快熟，不过肉身就带少少嚡。 白菜饺：皮唔会太厚，足料，白菜同猪肉既份量适中，赞。 韮菜饺：同白菜饺差
环境：
1) 装修唔错，好光猛，又唔会话老套。
2) 问题系上二楼𠮶条楼梯每级好高，上又辛苦，落又危险。
3) 每间房都有私人电视。散枱都有电视睇。
服务卫生：所有人都态度诚恳有礼，赞！
1) 小朋友唔小心，跌左手上既朱古力豆，搞到成地都系。姐姐仔不但冇责怪我地，重脸带笑容叫妹妹小心保存手上剩余𠮶D，同马上清理。
2) 好细心地不时帮我地加汤，换碟，换湿巾。
3) 伙计好够，所以我地唔需要成日训攑手。
味道：参差
清汤底：好清好多菜，包括红萝卜，南瓜，菇，豆腐，重有竹笙添，赞。
手切本地牛肉：小朋友食得最多。佢话容易食（因为够薄，而且唔靱），个汁好好味。
虾丸：小朋友第二favourite。好弹牙，有虾味，正。
猪腰：个样都ok，不过块块唔同口感，有爽有粉，唔掂。小朋友唔钟意个味（有少少押）重lur返出黎。
猪红：食第一口就觉得非常押。我以为系我唔好彩，点知食多两旧都系咁押，煲到连个汤都押埋。
萝卜牛坑腩：好厚好靱又肥。
日本黑豚：切得够薄，所以好快熟，不过肉身就带少少嚡。
白菜饺：皮唔会太厚，足料，白菜同猪肉既份量适中，赞。
韮菜饺：同白菜饺差唔多，韮菜都好新鲜。
张贴
