影片
更多
2023-06-07
321 浏览
我哋都系用好评数目同见咁高人气先拣。话说4人去食，望menu都冇乜嘢拣，刺身寿司定食都加埋几页，同埋是旦一份刺身拼盘已经几百，所以转食晚餐套餐，我哋分别叫咗石烧霜牛小排，温泉蛋烧牛肉丼，角切鱼生丼，蒲烧鳗鱼定食，仲追加咗刺身拼盘一份同厚烧鳗鱼玉子。蒲烧鳗鱼定食（$158）：与其叫定食，不如叫鳗鱼加饭，加埋一就成$170，呢个size虽几大份但合例水平，鳗鱼味道正常，饭偏少水但尚可接受，朋友点，话正常嘢冇乜特别。cp 值一般，旺角大把好食又平过佢。角切鱼生丼（$198）：我点嘅，份量都算还好，有三文鱼、吞拿鱼、鱼子、带子，底仲有旧玉子烧同杂鱼生，但紫苏叶、酸姜都占咗1/3只碗，无奈带子几好食，少少黐牙几新鲜，其他鱼生就还可以，冇乜雪味但都冇乜味，寿司饭个人就觉得好难食，好硬同醋味太劲，最后食咗一半饭都冇就食唔落。同埋佢个前菜沙律，个酱都几难食，青瓜丝、萝卜丝草青味太重，明显冰格拎出嚟未解哂雪，唔用啲沙律酱混埋一齐食就唔太食得落。石烧霜牛小排（$238）：牛肉油花可以，唔算太薄身，因为牛小排太薄会食唔到牛味，但尾有几旧好细件，而且摆得岩岩巉巉，唔expect 加一后$250会系咁，好彩朋友
话说4人去食，望menu都冇乜嘢拣，刺身寿司定食都加埋几页，同埋是旦一份刺身拼盘已经几百，所以转食晚餐套餐，我哋分别叫咗石烧霜牛小排，温泉蛋烧牛肉丼，角切鱼生丼，蒲烧鳗鱼定食，仲追加咗刺身拼盘一份同厚烧鳗鱼玉子。
蒲烧鳗鱼定食（$158）：与其叫定食，不如叫鳗鱼加饭，加埋一就成$170，呢个size虽几大份但合例水平，鳗鱼味道正常，饭偏少水但尚可接受，朋友点，话正常嘢冇乜特别。cp 值一般，旺角大把好食又平过佢。
角切鱼生丼（$198）：我点嘅，份量都算还好，有三文鱼、吞拿鱼、鱼子、带子，底仲有旧玉子烧同杂鱼生，但紫苏叶、酸姜都占咗1/3只碗，无奈带子几好食，少少黐牙几新鲜，其他鱼生就还可以，冇乜雪味但都冇乜味，寿司饭个人就觉得好难食，好硬同醋味太劲，最后食咗一半饭都冇就食唔落。同埋佢个前菜沙律，个酱都几难食，青瓜丝、萝卜丝草青味太重，明显冰格拎出嚟未解哂雪，唔用啲沙律酱混埋一齐食就唔太食得落。
石烧霜牛小排（$238）：牛肉油花可以，唔算太薄身，因为牛小排太薄会食唔到牛味，但尾有几旧好细件，而且摆得岩岩巉巉，唔expect 加一后$250会系咁，好彩朋友话味道系几好。
厚烧鳗鱼玉子（$48）：正常大小，似蛋卷多过似玉子，木鱼太多，中间鳗鱼得一粒1*1cm，而且得阵鱼皮阵油味，合埋眼应该以为系胶嚟，大家都试咗就冇再掂过。
刺身拼盘（$68）：不如叫拼碟，刺身少少霉dur dur 咁，三文鱼比较厚切正常，虾都唔弹，八爪鱼几干，整体唔系好新鲜，但我哋食6:45，系佢开始人流多嘅时候，咁嘅质素真心觉得好彩冇散叫其他刺身。
温泉蛋烧牛肉丼：因为牛肉丼系上哂所有嘢都冇嚟，所以冇影到，后尾朋友份牛烧剩两三块，朋友唔等，追佢哋先上。样子同餐牌上相乎，上面有只温泉蛋，朋友捞埋饭一齐食，牛肉正常，朋友食清碗，仲叫左杯果汁梳打少冰，但朋友食完埋单后先系恶梦开始。埋单冇耐就话肚有少少痛，入咗厕所来回几次，面青口唇白，疴到少少晕，佢晏昼一点就食饭，冇生嘢，走𠮶时8点几，仲要即刻食完就出事，所以我哋都几肯定系呢餐出事，系只生鸡蛋定刺身定杯嘢饮，我哋都唔敢咁武断。
朋友最后等冇咁痛就搭的士走，首先真系唔好斋用好评数目去谂去唔去呢间餐厅，真心俾佢呃左，呢间食到我朋友疴咗成粒钟，差唔多要入院，永久blacklist。再讲cp值真心低，大家谂清楚先好去。
张贴
