鳳城酒家 (已結業)

今日去左荃湾凤城摆满月(得一围, 都系屋企人食饭), 开头都ok, BB好乖, 无乜喊, 食到最后埋单先至最激气, 俾完张卡签完, 有以下对话部长问:「会唔会俾D贴士打赏吓」, 我答 : 「..... 会唔会呀?.... 唔会㖞」部长:「咁D招呼好唔好先?」我答:「麻麻啦」部长黑面后离去。原本好开心的满月酒, 我系度谂咪我做得唔啱?我唔俾贴士系咪好cheap, 搅到我好唔开心,我以前都去过凤城(黄埔),记得都几好, D菜同装修都ok ,一心谂住满月去食吓啦, 但系今之响荃湾的招呼同野食都系普普通通, 咁咪无俾贴士啰, 所以经过呢件事之后,我永世都唔会再去。