影片
更多
2014-01-19
1370 浏览
早前曾参与过报纸读者嘅试食活动而嚟到麺屋武蔵，上次就品尝过店方多款小食及特色沾汁面，餐厅环境及食物味道都印象极佳，最近睇杂志知道佢哋又出咗款新拉面，所以，又趁个悠闲星期六，拉埋老婆出嚟一齐试，有好嘢更喺益佢先啦。虽然全线麺屋武蔵都有供应，但首选当然拣尖沙咀海运店，因为上次嚟已睇中佢一排落地窗口位，入座时希望安排窗口位，故此都要稍等才可入座。餐厅入门口位喺半开放式厨房加吧位，内里仲有多排梳化卡位，而我哋拣嘅落地大玻璃窗口位，可饱览维港景，冬日阳光照入嚟，既开扬，又舒适 。只喺我望个方向，被只邮轮双鱼星号「得住」，老婆个位就对住天星码头、中环一带，景观正得多。未讲碗新拉面，先讲少少小食，因为上次所试嘅沙律、小食都好味有特色，所以，今次都想试试其他款式，老婆拣咗蕃茄水牛芝士米纸卷，而小弟都算喺食肉兽，所以点咗牛肉年糕卷，两款小食都甚觉特别。蕃茄水牛芝士米纸卷 $53依个新登场嘅米纸卷，顾名思义就喺西菜蕃茄水牛芝士嘅米纸卷版本，一客切成6件，卖相感觉鲜明爽朗，配合外间暖暖阳光，有种清爽怡人嘅感觉。其实个米纸卷配搭极西化，米纸卷内有蕃茄、水牛芝士、罗马生菜，配以油醋汁，入口清新；水牛芝士亦放得唔
餐厅入门口位喺半开放式厨房加吧位，内里仲有多排梳化卡位，而我哋拣嘅落地大玻璃窗口位，可饱览维港景，冬日阳光照入嚟，既开扬，又舒适 。只喺我望个方向，被只邮轮双鱼星号「得住」，老婆个位就对住天星码头、中环一带，景观正得多。
未讲碗新拉面，先讲少少小食，因为上次所试嘅沙律、小食都好味有特色，所以，今次都想试试其他款式，老婆拣咗蕃茄水牛芝士米纸卷，而小弟都算喺食肉兽，所以点咗牛肉年糕卷，两款小食都甚觉特别。
蕃茄水牛芝士米纸卷 $53依个新登场嘅米纸卷，顾名思义就喺西菜蕃茄水牛芝士嘅米纸卷版本，一客切成6件，卖相感觉鲜明爽朗，配合外间暖暖阳光，有种清爽怡人嘅感觉。其实个米纸卷配搭极西化，米纸卷内有蕃茄、水牛芝士、罗马生菜，配以油醋汁，入口清新；水牛芝士亦放得唔手紧，软绵绵嘅水牛芝士晌油醋酸香中渗出淡淡芝士香，而罗马生菜及米纸卷令整个小食嘅口感富层次，软绵中，又有爽脆同柔韧嘅感觉，真喺值得推介。
牛肉年糕卷 $36金菇肥牛食得多，依个牛肉年糕卷第一次试，一客6件嘅牛肉年糕卷，总评就喺好食又抵食，6件年糕卷叠起成金字塔形，卖相精致得比餐牌中嘅参考图片更好睇。牛肉唔喺常见肥膏多多𠮶啲肥牛，牛肉薄身软腍，汁浓入味；内里卷住日本年糕，软糯烟韧有咬口，估唔到几夹；再者，伴碟嘅鲜露笋仔，爽甜多汁，为道小食再加分，所以，又点可以唔再次推介吖。
讲开露笋，题外话有个烂笑话想跟大家分享，知唔知「露笋」英文喺乜？讲得喺烂笑话，答案当然唔喺asparagus啦，而喺lotion，咁「露笋仔」英文又喺乜？俾少少时间你谂，答案晌下面「题外话」一栏开估。至于今次嚟麺屋武蔵嘅重点，就喺为个新拉面「二刀流拉面」，之前睇杂志嘅介绍「独门剑道之势。二刀流拉面」真喺几吸引，两条烤豚肋排喻意为宫本武蔵嘅著名刀法「二天一流」双刀作战，肋排以低温70℃慢煮长达18小时，上枱前会再搽上一层秘制酱汁后炭烧，更采用日本店最著名嘅特制双重汤底「浓厚豚骨汤加海鲜汤」，仲要期间限定，每日50食，所以睇完都心郁郁。
二刀流拉面 $80先讲主角「烤豚肋排」，真喺好正，两大条肋排甚有气候，既慢煮，又炭烧，肋排外层焦脆有炭火香，而肉质非常松化入味富肉汁；面条直身耐浸，食到尾都保持一定韧性，再者，汤底单睇已知足料，入口浓香鲜甜，随著面条滑入喉咙都未够，真喺边食面，边呷几口汤先够喉；配料仲有溏心蛋、紫菜、笋干及葱花，溏心蛋不俗，蛋黄半凝，浓香柔绵，而笋干爽脆，葱花够多啱晒我。烤豚肋排同特制双重汤底，果然喺一流配搭！
冻抹茶咖啡 $22老婆饮咗一啖，呻揾笨都无咖啡味，佢啱一半又唔啱一半㖞。睇中文真喺有啲错觉以为喺抹茶沟咖啡嘅「日式鸳鸯」，不过睇番佢英文Green Tea Latte，唔知会唔会俾到啲端倪。如果译中文可能冻鲜奶抹茶合宜啲，将鲜奶打成奶泡再撞入绿茶中，绿茶味几幽香，饮落感觉挺幼滑，将杯面嘅忌廉沟埋入去啲抹茶度，就更加绵滑。
两公婆一至五日日做不停，偶尔晌星期六出街悠悠闲叹个午餐，虽然唔喺上咩高级馆子尝一流食材，但绝对称心唔「二流」。
题外话/补充资料：
baby lotion
(以上食记乃用户个人意见 , 并不代表OpenRice之观点。)
张贴
