京都薈

营业中

休息中

系美孚个群组入面见到呢间酒楼新开张，个个都有弹无赞。偶尔见到１、２个赞既即刻就比人围攻，今日放假就睇下系咪真系咁坚，要做勇士先可以去试～哈哈。训醒点几钟行到落去，唔使排队。心谂，唔系咁坚真系中伏呀......但系一场黎到,唔系唔食呀....入面环境都算几光猛。原来已经系下午茶时间, 有优惠, 我地叫左既虾饺，叉烧包，蒜蓉虾春卷，炸云吞，叉烧肠，再叫左个龙趸件荷叶饭（咁上下名）同一个菜。叉烧肠，叉烧好味，肠都算滑，但就系分件上，唔使自己分，方便。叉烧包，味道一般，但我觉得叉烧馅少左D。(一见到就忍唔住食左先记得影相)哈哈虾饺唔错，我个人钟意食虾饺皮，呢度个皮够烟ＵＮ，入面旧肉有虾味，足料，值得一赞。蒜蓉虾春卷，有虾，够脆，但无乜蒜蓉味......炸云吞, 够脆, 有原只虾系入面龙趸片荷叶饭，龙趸件都几大旧，有５，６旧。炒饭底，但系荷叶垫底就无乜荷叶味，同想像中既味道差Ｄ。如果叫另外果个虾荷叶饭应该会好食Ｄ。菜就无乜油，几好。整体黎讲就ＯＫ啦，唔算难食，又唔算特别好食。