盛記酒家

营业中

休息中

我公司系呢度常客，平时饮茶都系经openrice订枱，老婆屋企人系外国过嚟探我地，我就特意提前几日系openrice订枱打算冬至同佢地去呢度做冬。 当晚去到，门口接待员一听到openrice订咗枱即时黑面话冇呀今晚大时大节大把客唔接受openrice入面已经确认左嘅预约，不断埋怨强调openrice按人头计算每一个客人收佢$10，佢唔想分俾openeice。莫非openrice而家用枪指住佢迫佢开放网上预约？又想用人网上功能又唔想俾钱？平时冇客就唯有接受openrice收费，但大时大节见到唔靠openrice都满座就气焰嚣张等客人黎到先话唔承认openrice既booking赶客走。如果系咁巴闭唔接受openrice预约，咁点解佢唔关闭个网上预约？好明显佢系当我地系后备客人，有其他电话预约既客人出席就即埸赶走openrice预约客人，有人缺席先俾openrice预约客人入去。按照佢哋逻缉，我完全相信就算我电话预约左，如果有人预订贵价菜式，佢一样会将我张枱俾其他人。做餐厅做到咁真系第一次见。幸运地我即时揾到另一间餐厅，如果唔系我都唔知点同家人做冬。