神經餵飼 (已結業)

三年前第一次黎呢间咖啡店食过正餐，我承认我地当时比较大食，所以唔够饱，哈哈期后都有回访过多次，主要食甜品、饮咖啡，感受良好。虽然太子、旺角cafe唔少，但质素参差，如果想hea都会选择呢度。餐厅有两层，其实我地未去过上层，下层系开放式厨房，假日客人颇多，由店员安排位置，客人自行到柜枱点单结帐，店员送餐，餐具自取。唔系好热情、好有温度嘅小店，但so far我地冇遇过啲咩唔好嘅经验餐牌供应7至8款主食，例如丼、沙律、三文治等，定价$68-140。当日仲有两款戚风蛋糕；饮料有咖啡、茶、梳打等。温泉蛋烧汁豚肉丼 $92主食价格略高，少少地下午茶咁嘅份量，豚肉足够送哂碗饭，肉质偏瘦，连同只啱啱煮好嘅温泉蛋一齐食，都唔会话好嚡。芝士奶盖乌龙戚风蛋糕 $52奶盖做得唔错，有芝味，质地稠身，冻冻地有啲乳酪感觉。蛋糕茶味隐约咗啲，不过质地够湿润、有弹性抹茶拿铁 $45抹茶拿铁一向稳阵，唔算极浓，一般人应该收货。