職業樂師同樂會(意盧) （Closed） (已結業)

多谢网友介绍，如果唔系都唔知呢间好嘢。叫咗拼盘($70)、香茅牛肉米粉凉伴($22)同扎肉饼($22)。拼盘有春卷、蔗虾、猪肉虾片同肉饼，分量唔算细，而且有水准，虾片够脆而没有丁点软韧，肉饼就爽口弹牙，蔗虾亦好，连条蔗咬落去重有清甜嘅蔗汁。老婆最钟意檬粉，够哂清爽。有位阿姐几好倾讲，佢话扎肉系从越南定番嚟，算ok。佢又话啲茶系花茶，系老板娘将玫瑰花同茉莉花沟几只绿茶而成，饮落几舒服顺喉。阿姐话佢哋做埋今个月咋，依家揾紧地方搬。希望佢哋揾到好地方继续做。