影片
更多
2014-12-17
1227 浏览
考试季节，又系时候请假返学温书。过往返城大，「食个快饭」从来都系去AC1 Canteen，越食越颓，暑假装修后啲嘢食重缩晒水。后来女友介绍我去教职员宿舍露天餐厅，点知今个暑假执咗！(听闻开返)跟住有同学指点咗我去AC2 Canteen食，美心旗下，系就系质素好过AC1，不过同PolyU新Can一模一样，食咗好多年，食得多都会厌。直到写食评前嘅星期六，朋友约我返城大，佢哋提议去AC3食......我以为听错系AC2，再问佢都话系AC3，又唔系Délifrance，咁即系边间？原来AC3都有间Canteen，要搭Lift上七楼，除咗学生、旧生同教职员之外，应该冇乜人会知。呢间Canteen都系美心旗下，但系就行比较健康同埋全西式嘅路线，好似饭会拣糙米咁。价钱亦相对学生化，一个八吋大嘅薄饼都系讲紧四五十蚊，而且质素唔差，又薄又脆唔太干。趁呢日温书，再次嚟到饭堂食晏。今次拣咗朋友推荐嘅「茶食」之一C2(见上面餐牌)，煎蛋转炒蛋，加多两蚊饮橙汁。卖相唔系好吸引𠮶只，但系卅几蚊有包有粉又有嘢饮，起码合符「抵食」原则先。天寒地冻，个多士虽然几厚，但系烤得啱啱好脆口，唔太㶶，亦唔太硬。炒蛋方面，至少唔
过往返城大，「食个快饭」从来都系去AC1 Canteen，越食越颓，暑假装修后啲嘢食重缩晒水。
后来女友介绍我去教职员宿舍露天餐厅，点知今个暑假执咗！(听闻开返)
跟住有同学指点咗我去AC2 Canteen食，美心旗下，系就系质素好过AC1，不过同PolyU新Can一模一样，食咗好多年，食得多都会厌。
直到写食评前嘅星期六，朋友约我返城大，佢哋提议去AC3食......我以为听错系AC2，再问佢都话系AC3，又唔系Délifrance，咁即系边间？原来AC3都有间Canteen，要搭Lift上七楼，除咗学生、旧生同教职员之外，应该冇乜人会知。
呢间Canteen都系美心旗下，但系就行比较健康同埋全西式嘅路线，好似饭会拣糙米咁。价钱亦相对学生化，一个八吋大嘅薄饼都系讲紧四五十蚊，而且质素唔差，又薄又脆唔太干。
趁呢日温书，再次嚟到饭堂食晏。今次拣咗朋友推荐嘅「茶食」之一C2(见上面餐牌)，煎蛋转炒蛋，加多两蚊饮橙汁。
肉酱意粉+炒蛋+多士+$2橙汁
$32
419 浏览
1 赞好
0 留言
天寒地冻，个多士虽然几厚，但系烤得啱啱好脆口，唔太㶶，亦唔太硬。
炒蛋方面，至少唔会炒到老晒或者太水，达到快餐基本要求，亦都冇落盐所以唔会太咸，食完成碟蛋亦都冇乜油，女士们应该几钟意。
肉酱意粉，如果用AC2个标准嚟比较，呢碟意粉点都好过AC2𠮶种酱、粉分离嘅感觉。呢碟肉酱意粉起码意粉唔会太腍，肉酱又唔会太稀，呢个价钱咁嘅质素，又食得饱一个人都已经唔差。
但老实，呢间餐厅主打焗饭同薄饼，而焗猪扒饭系拍得住大家乐，好过AC2好多嘅，有机会再讲。
题外话/补充资料：
星期六可能生意较少，材料准备唔多，一点左右都开始卖得七七八八。另外，星期六系该餐厅嘅「无饮管日」，全日唔会提供饮管。
(以上食记乃用户个人意见 , 并不代表OpenRice之观点。)
张贴
