小籠家族 (已結業)

练完跆拳去食饭，路过小笼家族就想食上海菜，队友见到价钱好实惠，所以二话不说就入咗去。好彩啱啱有位俾我地几个，跟住就full咗，所以如果人多最好订位，废事要等好耐。鬼咁肚饿，所以疯狂咁点菜，最尾系成枱都系，摆唔晒。回锅肉，味道够浓，有上海菜特色，D汁送饭一流京葱牛肉份量足，牛肉唔会过火或者太韧糖醋鱼酸酸甜甜，好开胃，又啖啖肉，点会唔好食担担面ok，如果花生酱味更加浓会再正D小笼包有肉汁，叫咗2笼先够分锅贴煎得香香，底部脆卜卜，好好食鸡丝粉皮必点，味道正常点咗多款传统浓味都配搭返2款菜。手拍黄瓜天气热食啱啱好，又可以中和下其余浓味嘅菜式。火腿津白好好味，火腿咸咸香香，夹埋津白食超正。叫咁多嘢每人都唔使$200，一定有下次呀！