影片
更多
2018-10-19
4489 浏览
Oolaa是我个人好钟意嘅Lunch Spot，佢有非常舒服嘅环境（沉色木装修，舒服嘅梳化凳，枱同枱之间有足够空间），精美嘅头盘沙律自助餐，同高质嘅主菜，合埋连加一都唔洗两旧水。唯一问题系地点唔就脚，要喺PMQ圆创方再向半山方向行两条街。夏天要行个条大斜路就辛苦啲，由上环地铁站来回要行起码半个钟。即使系咁，佢嘅性价比依然冠绝中上环。呢碟攞咗Cold Cut，墨西哥酥皮卷，越南米纸卷，烤茄子，茅屋芝士。呢碟攞咗naan bread，长通粉，烤西兰花，烤黄椒，豆角沙律，乳酪青瓜，Cold Cut，茅屋芝士同米纸卷。由上面两幅图可见，佢嘅沙律头盘系多国籍，多选择，而且材料新鲜，调味清新。如果拣啲饱肚食物的话，净系攞一次已经可以塞饱个胃，记得留肚。New Zealand Lamp Rump 系比较少见嘅羊肉部位。你见到啲肥膏好有存在感，食落真系入口即溶，𠮶阵羊滋味谂起都流口水。面头有啲薄荷香草酱提起羊味，伴碟嘅菜亦毫不吝啬。Duck Leg Confit 工序繁复，鸭皮烤到脆卜卜，啲肉比新鲜鸭更有咬口同肉香。成只鸭肶系Full Size，加埋煎到金黄色嘅薯仔、滑子菇同惹味嘅酱汁，系晚市主菜嘅级
呢碟攞咗Cold Cut，墨西哥酥皮卷，越南米纸卷，烤茄子，茅屋芝士。
呢碟攞咗naan bread，长通粉，烤西兰花，烤黄椒，豆角沙律，乳酪青瓜，Cold Cut，茅屋芝士同米纸卷。由上面两幅图可见，佢嘅沙律头盘系多国籍，多选择，而且材料新鲜，调味清新。如果拣啲饱肚食物的话，净系攞一次已经可以塞饱个胃，记得留肚。
New Zealand Lamp Rump 系比较少见嘅羊肉部位。你见到啲肥膏好有存在感，食落真系入口即溶，𠮶阵羊滋味谂起都流口水。面头有啲薄荷香草酱提起羊味，伴碟嘅菜亦毫不吝啬。
Duck Leg Confit 工序繁复，鸭皮烤到脆卜卜，啲肉比新鲜鸭更有咬口同肉香。成只鸭肶系Full Size，加埋煎到金黄色嘅薯仔、滑子菇同惹味嘅酱汁，系晚市主菜嘅级数。简单讲，咁嘅质素嘅主菜，午市可以连埋自助头盘百五蚊真系抵到烂。
张贴
