必勝客 (已結業)

星期六既LUNCH TIME，11点几黎到，唔洗等位住，真系开心。3个人叫左个2人餐，再用积分换左个鸡翼。2人餐有2个汤，2杯饮品，一个小龙虾白汁意粉，同埋猪仔骨半份。汤我地拣左意大利杂菜汤，跟蒜茸包，菜汤落足料，蕃茄味又够浓，好味道。虽然汽水可以免费添饮一次，但系反正都饮唔晒，今次改试饮冻青柠魅力，味道好清新，几好味，值得一试。小龙虾白汁意粉，虽然话系白汁，但系其实系橙色，加上我食唔到有白汁味，但都有龙虾味既，今次D汁比之前多，有好大既IMPROVEMENT。猪仔骨薯条沙律好大份，薯条炸得够脆，猪仔骨整得超入味，伴碟既沙律都好新鲜。香辣鸡翼外层烤得很香很脆,鸡翼不但唔太油，而且仲有点干身，加埋少少辣味又真系几开胃呢个2人餐本身$203, 用分换左个鸡翼，会员免加一，再用埋40蚊COUPON, 3个人埋单都系$163，真系抵食。