影片
更多
2024-08-17
702 浏览
tldr话说系7月19号晚上7点几，行过好多间餐厅都座无虚席同太太都饿到扁哂嘅情况下行到大角咀，命运驱使下行到文华餐厅门前 见装修都有啲怀旧 入面又好多位置坐 （其实已经系一个警号）应该系老字号 老阁娘又有咗多明星合照嘅相 我谂应该靠得住挂就入左去帮衬点都冇谂到恶梦就开始左星期五晚嘅心情就咁俾呢间餐厅毁左一入到门口 舖头其实好阔落 得三四台客 有啲都就嚟食完就走楼面先生就请我地坐低 半分钟唔够问我地想食乜我明白香港嘅餐厅催客人落单系好常见 但都要睇下环境有冇咁嘅需要？更甚，我坐左半分钟 连你有咩选择都未睇清楚 你企足系我地隔嚟两分钟 俾我压力我地？咁最后见到佢餐牌有分细餐 （细份啲）同 大餐 （有油菜）我地就叫左一份9x蚊嘅海南鸡套餐 （配小肉骨茶） 加 海鲜喇沙套餐好快啲嘢就上哂，以下为每样菜式评价1. 海南鸡饭： 不如你叫海南鸡皮饭，仲要同我讲95蚊大份啲数数十件鸡可能都有 鸡皮多过肉 真系有肉食嘅得果几旧成个餐得油饭系食得落仲有海南鸡饭配嘅清汤 居然系冇出现过。2. 小肉骨茶饮落去第一下感觉系几好，有药材味又好重胡椒味但系过左阵原来系假像，非常口渴，口渴到埋单到返屋企嘅路程，成晚
话说系7月19号晚上7点几，行过好多间餐厅都座无虚席
同太太都饿到扁哂嘅情况下行到大角咀，命运驱使下行到文华餐厅门前 见装修都有啲怀旧
入面又好多位置坐 （其实已经系一个警号）
应该系老字号 老阁娘又有咗多明星合照嘅相
我谂应该靠得住挂就入左去帮衬
点都冇谂到恶梦就开始左
星期五晚嘅心情就咁俾呢间餐厅毁左
一入到门口 舖头其实好阔落 得三四台客 有啲都就嚟食完就走
楼面先生就请我地坐低 半分钟唔够问我地想食乜
我明白香港嘅餐厅催客人落单系好常见 但都要睇下环境有冇咁嘅需要？
更甚，我坐左半分钟 连你有咩选择都未睇清楚 你企足系我地隔嚟两分钟 俾我压力我地？
咁最后见到佢餐牌有分细餐 （细份啲）同 大餐 （有油菜）
我地就叫左一份9x蚊嘅海南鸡套餐 （配小肉骨茶） 加 海鲜喇沙套餐
好快啲嘢就上哂，以下为每样菜式评价
1. 海南鸡饭：
不如你叫海南鸡皮饭，仲要同我讲95蚊大份啲
数数十件鸡可能都有 鸡皮多过肉 真系有肉食嘅得果几旧
成个餐得油饭系食得落
仲有海南鸡饭配嘅清汤 居然系冇出现过。
2. 小肉骨茶
饮落去第一下感觉系几好，有药材味又好重胡椒味
但系过左阵原来系假像，非常口渴，口渴到埋单到返屋企嘅路程，成晚条脷都系干。
3. 海鲜喇沙
太太嘅第六感直觉系咁叫我唔好嗌，系我太钟意喇沙坚持下嗌。
结果系成晚最奶嘢嘅一个菜式
成碗嘢都系雪藏味
怀疑赶收工 将冰格摆左好耐啲海鲜唔解冻就咁倒落个喇沙汤到
虽然系咁 但我地系惜食之人 好辛苦都食哂佢
呢碗嘢其实完全唔摆得落口 系食餐饭嘅低潮
两个人埋单209 呢个价钱相信大把选择
如果唔系果晚周围冇位 绝对唔会食到文华
睇嚟食神唔系太眷顾我地
心情太差 相都冇影到
张贴