影片
更多
2020-10-04
4550 浏览
今年做节，我哋拣咗四季酒店嘅龙景轩食好啲！有米芝莲星星嘅佢一直都好难订位，今年咁好彩中秋节俾我哋订到位！原本我哋都谂紧系咪叫套餐，跟住谂谂吓睇睇下套餐都唔系样样想食，今次决定试吓散叫！龙景轩特别在大部份嘅菜式都可以半份咁叫。今次我哋叫咗：1.蜜汁叉烧：系够淋嘅，又甜甜地，好食！2.冻鲍片配芦笋红蜇头：冻鲍片够鲜甜，又够淋，红蜇头成片食好有口感，不过我觉得唔够入味。配喺下面嘅芦笋又嫩又甜。3.皇汤鸡丝羹：龙景轩必试菜式，浓厚嘅鸡汤，胶到好似饮紧花胶汤咁！4.皇汤蒸斑片蛋白：为是日特别菜式，唔会系餐牌上面揾到，皇汤蒸蛋白原来可以咁夹好食！5.黑松露炸蟹盖：都系是日特别菜式，黑松露味突出但又唔会抢咗蟹肉嘅鲜味，多蟹肉，好好食！6.孜然香椒羊蹍肉：呢个叫咗半份，羊肉好嫩好juicy，唔会过熟，好好食！7.蒜蓉蒸半边龙虾粉丝：相比之前嘅菜式呢碟就比较普通，唔试无损失。8.虾子辽参配猪脚筋：爽口嘅辽参配以浓香嘅虾子酱汁，美味。9.甜品：最后茶艺师会煮一小壶茶俾你，是晚系桂花铁观音，好清香入口好舒服。桂花杞子糕同埋𠮶粒酥饼都系送嘅。我哋另外仲叫咗碗杏汁汤圆同埋半份蜂蜜姜茶糕。两个甜品都好好味，虽然已
原本我哋都谂紧系咪叫套餐，跟住谂谂吓睇睇下套餐都唔系样样想食，今次决定试吓散叫！龙景轩特别在大部份嘅菜式都可以半份咁叫。
今次我哋叫咗：
1.蜜汁叉烧：系够淋嘅，又甜甜地，好食！
2.冻鲍片配芦笋红蜇头：冻鲍片够鲜甜，又够淋，红蜇头成片食好有口感，不过我觉得唔够入味。配喺下面嘅芦笋又嫩又甜。
3.皇汤鸡丝羹：龙景轩必试菜式，浓厚嘅鸡汤，胶到好似饮紧花胶汤咁！
4.皇汤蒸斑片蛋白：为是日特别菜式，唔会系餐牌上面揾到，皇汤蒸蛋白原来可以咁夹好食！
5.黑松露炸蟹盖：都系是日特别菜式，黑松露味突出但又唔会抢咗蟹肉嘅鲜味，多蟹肉，好好食！
6.孜然香椒羊蹍肉：呢个叫咗半份，羊肉好嫩好juicy，唔会过熟，好好食！
7.蒜蓉蒸半边龙虾粉丝：相比之前嘅菜式呢碟就比较普通，唔试无损失。
8.虾子辽参配猪脚筋：爽口嘅辽参配以浓香嘅虾子酱汁，美味。
9.甜品：最后茶艺师会煮一小壶茶俾你，是晚系桂花铁观音，好清香入口好舒服。桂花杞子糕同埋𠮶粒酥饼都系送嘅。
我哋另外仲叫咗碗杏汁汤圆同埋半份蜂蜜姜茶糕。两个甜品都好好味，虽然已经好饱好饱好饱，好味到我哋都食得晒！特别系个蜂蜜姜茶糕，如果你系钟意饮辣姜茶嘅朋友，呢个你一定要试，出面我未见过呢个甜品，超特别超超超好食！
蜜汁叉烧半份
$210
135 浏览
0 赞好
0 留言
冻鲍片配芦笋红蜇头
$590
116 浏览
0 赞好
0 留言
皇汤鸡丝羹
$340
130 浏览
0 赞好
0 留言
石斑肉皇汤蒸蛋白
$490
83 浏览
0 赞好
0 留言
黑松露炸蟹盖
$400
88 浏览
0 赞好
0 留言
孜然羊蹍肉半份
$180
81 浏览
0 赞好
0 留言
蒜蓉蒸去边龙虾粉丝
$400
71 浏览
0 赞好
0 留言
虾虸辽参
79 浏览
0 赞好
0 留言
杏仁茶汤圆，蜂蜜姜茶糕
66 浏览
0 赞好
0 留言
龙景轩既米芝莲星星真系实至名归👍🏻钟意摘星嘅朋友一定要黎试吓呢间中菜厅，有五星级嘅服务，食物又好味，菜式又可以半份咁叫够哂细心，啱晒细食又想试多啲嘅朋友！下次我都要午餐嚟试吓啲点心先！
张贴
