城大中菜廳

营业中

休息中

已经10年冇黎呢度食野，餐厅转左手不过个场同以前一样的。小食拼盘只系试左炸鱼仔同烧腩肉，两样好好食，鱼仔细细条但系好多肉地，好滑。烧腩肉皮脆同埋肥左少少不过都接受到的。我觉得个汤系成餐既重点，有劲多既无花果肉同龙眼肉，好甜好岩女仔饮，份量好大，每人都可以饮到２碗仲有大量汤渣，几乎日日出街食饭既我，饮左３碗呀！因为有屋企人食素，所以有好几道都系素食，城大中菜厅用好多西兰花，同菜，味道都比较清淡，唔错。另一个素菜，白果系重点，仲有好多木耳同茹，钟意食菜既我，真系觉得好好食呀！班头两味炸果个好香口，不过唔太好炸野既我，就觉得炒班球好食好多啦！够大旧够新鲜！正！芒汁虾球对比起其他中餐厅，佢地整得比较甜，亦都冇咁香口，不过虾都仲系爽的，一般好食。腰果粉鸡粒味道一般，但系。。。真系太油。。。太油了，我真系要洗下佢先食到呀！士多啤利糕味道有点奇怪，士多啤利味唔重，冇必要可以唔洗食。