日和号壽司料理 (已結業)

位于九龙湾最红点溜冰场外餐厅， 绝对系做完运动最佳嘅选择。路过呢间食日本寿司嘅店舖， 呢排主打紧半价寿司， 真系非常抵食。睇返menu除咗寿司之外， 刺身同埋军舰都系半价， 性价比真系高过好多其他寿司店。种类上亦非常繁多， 最重要系半价绝无欺场， 每一嚿刺身寿司都好鲜甜味美， 而且卖相都好靓仔！呢个三文鱼腩刺身 同埋剑鱼腩刺身一定要再战！连小食都有半价， 一定要点我最钟意嘅八爪鱼丸， 呢度嘅八爪鱼丸系半煎炸，所以比起其他地方买到嘅更加香脆 ，香口嘢值得一试。青柠梅子梳打做点缀， 又系一餐完美嘅日式晚餐。