Green Orange

餐厅好近上环地铁站，大概1分钟路程就到，嚟呢度嘅原因系佢做紧一个好抵嘅优惠就系每人叫一份主食或者叫二人套餐，都可以$1就有一只法国生蚝食，最多每人有五只添🤩🔸法国生蚝 $1/只原价要$68/只嘅法国Chironfils西朗特级生蚝🦪好鲜甜，入口都有浓郁嘅海水味，size好够大只，肉质都够结实，食落去啖啖肉好正🔸炸法式鳕鱼球 $98炸鳕鱼球口感比较丰富，外皮炸得金黄酥脆，一口咬开，里面绵密松软，马铃薯泥加埋鳕鱼味道，做前菜唔错🔸鲜纽西兰肉眼扒配阿根廷青酱 $328 肉眼扒有10安士，够晒食，而且够厚身，我嗌咗五成熟觉得啱啱好，肉眼扒面头煎到微脆，入边嘅肉质仲系好嫩滑，阿根廷青酱食落有种酸呛感，好多时都会配埋肉类烧烤嚟食，可以减低油腻感🔸烧BBQ美国猪肋骨 $288 美国产地嘅猪肋骨就会偏向肉质软腍多肉啲，BBQ酱就系餐厅自家制嘅，另外仲配咗一大份薯条，成个份量好够食🔸开心果巴斯克芝士蛋糕 $90听讲好多客人嚟到都会食呢一款开心果巴斯克芝士蛋糕，就咁望就觉得个蛋糕都好软心，蛋糕都好软滑，好香开心果味，仲有埋啲开心果碎