影片
更多
2024-04-20
65 浏览
屋子初期开在大围及乌溪沙时，我系会专程去帮衬的，反倒住咗嚟将军澳已有几年，我一次都无试过呢间分店，所以今晚就试吓。点知⋯⋯做乜搞成咁⋯⋯而我唔明点解仲有咁多人排队食咁既质素既cafe⋯⋯首先讲下食物，我点咗寿喜烧牛肉定食，成个卖相摆位系保持到一贯水准既，点知食落口⋯⋯所谓寿喜烧的汤底，只系日本高汤或带少少关东煮味⋯⋯😳呢个所谓寿喜烧分分钟仲衰过平价五十岚或吉野家火锅个汤底🫣搞咩呀⋯⋯牛肉质素就算啦，香港98蚊食装潢既餐厅，算系咁啦。但呢个寿喜烧完全唔合格🤦🏻♀️再嚟，服务⋯⋯服务态度其实我系无乜要求。不过今晚食完后，我对呢间餐厅既印象就系，你食紧一间谭仔阿姐水准既日系装修餐厅😳楼面全部都系阿姐，随时会大声互相指责，「阿边个，你入番厨房帮手」「阿边个，你唔使带位架！」⋯⋯下删好几个大声命令⋯⋯明既，要教啲新阿姐做嘢，但都唔使好似街市咁大嗌出嚟既⋯⋯同本身间餐厅日系风格真系完全格格不入、相映成趣。另外仲有个小插曲，一坐低时我已听到阿姐话无哂寿喜烧、无饭、无乌龙面喇。隔咗5-10分钟左右，有个排咗半个钟终于有枱既客，排到时先发现咩都无，所以躁底理论。个客又啱㖞⋯⋯佢话唔系对错既问题，系你哋餐
点知⋯⋯做乜搞成咁⋯⋯
而我唔明点解仲有咁多人排队食咁既质素既cafe⋯⋯
首先讲下食物，我点咗寿喜烧牛肉定食，成个卖相摆位系保持到一贯水准既，点知食落口⋯⋯所谓寿喜烧的汤底，只系日本高汤或带少少关东煮味⋯⋯😳呢个所谓寿喜烧分分钟仲衰过平价五十岚或吉野家火锅个汤底🫣搞咩呀⋯⋯
牛肉质素就算啦，香港98蚊食装潢既餐厅，算系咁啦。但呢个寿喜烧完全唔合格🤦🏻♀️
再嚟，服务⋯⋯服务态度其实我系无乜要求。
不过今晚食完后，我对呢间餐厅既印象就系，你食紧一间谭仔阿姐水准既日系装修餐厅😳楼面全部都系阿姐，随时会大声互相指责，「阿边个，你入番厨房帮手」「阿边个，你唔使带位架！」⋯⋯下删好几个大声命令⋯⋯
明既，要教啲新阿姐做嘢，但都唔使好似街市咁大嗌出嚟既⋯⋯同本身间餐厅日系风格真系完全格格不入、相映成趣。
另外仲有个小插曲，一坐低时我已听到阿姐话无哂寿喜烧、无饭、无乌龙面喇。隔咗5-10分钟左右，有个排咗半个钟终于有枱既客，排到时先发现咩都无，所以躁底理论。个客又啱㖞⋯⋯佢话唔系对错既问题，系你哋餐厅一发现好多款嘢食都提供唔到时，系咪可以即时同排紧队既客讲声，等佢哋自行决定无嘢食仲等唔等落去先，就唔使排到嚟时先发现得个吉？！
总括而言，呢间嘢我系绝对唔会翻兜，食物质素同服务都不值，对于以前食落其他分店有好印象既我嚟讲，系好失望⋯⋯如果大家都系睇ig食饭，咁就悉随尊便🙈😆
（伪）寿喜烧牛肉定食
$128
9 浏览
0 赞好
0 留言
张贴
