影片
更多
2009-07-19
30 浏览
为咗睇小熊猫同大熊猫，同久唔久都要探下啲海豚海狮，今个夏天就去ocean park 走一转喇。虽然公园细细，都好开心嘅，最惨系食咗餐不知所谓嘅lunch，令我嘅郊游快乐激减一半。朋友介绍的瑞士汁牛河热辣辣味道其实只算ok。我呢啲废事谂食乜，同一啲唔知餐牌噏乜嘅游客一样，都系叫个常餐套餐，谂住样样试下，点知恶梦开始。首先讲明我唔算奄尖食客，睇过我啲食评嘅人都知。港式蛋挞，如果香港啲蛋挞系咁，就吓死哂啲游客啰，又冻又硬又唔算酥皮更唔系曲奇皮，中间个"屐"无蛋味嘅黄色冻糕，一小啖就同佢拜拜咗喇！个𠮶迷你猪扒焗饭，又冻猪扒旧煎蛋同饭都又干又硬，连啲汁都"琼"埋。我细食，份量少我唔介意，想食一啲难啃嘅饭，就要嚟试下喇，香港好少有嘅。杯热奶茶唔热嘅，都算饮得落。叫咗杯特饮智者龟用奇异果香蕉整嘅奶者已经算系好嘢。唔该主题公园除咗花心机系啲游乐设施之外，都花啲心思系饮食上面啦，入得嚟玩，都唔计较多一百几十，比啲游客知道我地啲香港美食系咁，死得啦！
虽然公园细细，都好开心嘅，最惨系食咗餐不知所谓嘅lunch，令我嘅郊游快乐激减一半。
朋友介绍的瑞士汁牛河热辣辣味道其实只算ok。
我呢啲废事谂食乜，同一啲唔知餐牌噏乜嘅游客一样，都系叫个常餐套餐，谂住样样试下，点知恶梦开始。
首先讲明我唔算奄尖食客，睇过我啲食评嘅人都知。
港式蛋挞，如果香港啲蛋挞系咁，就吓死哂啲游客啰，又冻又硬又唔算酥皮更唔系曲奇皮，中间个"屐"无蛋味嘅黄色冻糕，一小啖就同佢拜拜咗喇！
个𠮶迷你猪扒焗饭，又冻猪扒旧煎蛋同饭都又干又硬，连啲汁都"琼"埋。我细食，份量少我唔介意，想食一啲难啃嘅饭，就要嚟试下喇，香港好少有嘅。
杯热奶茶唔热嘅，都算饮得落。
叫咗杯特饮智者龟用奇异果香蕉整嘅奶者已经算系好嘢。
唔该主题公园除咗花心机系啲游乐设施之外，都花啲心思系饮食上面啦，入得嚟玩，都唔计较多一百几十，比啲游客知道我地啲香港美食系咁，死得啦！
张贴
