影片
更多
2015-12-09
825 浏览
恭喜晒 Aqua 终于上岸喇，一班酒吧界既老友齐齐黎个短聚吧 ﹗静待开席，见内笼装修都系现时普遍既酒店式婚宴格局啦，无话特别出众。左影影、右影影，等埋主人家上枱同大家亲朋戚友开两句就有野食喇。最搞笑系位女 MC 播片时话 Aqua 初恋情人许志安有祝贺短片送比主人家，我信以为真啰 ﹗我最关注既都系今晚有咩好野食呢 ﹗鸿运乳猪全体、碧绿珊瑚虾仁、瑶柱蟹肉双翡翠、百花炸酿蟹拑、竹笙鸡丝生翅、生扣原只南非鲜鲍鱼、清蒸沙巴龙皇、酱油脆皮烧鸡、杨州炒饭、干烧伊面、百年好合、甜甜蜜蜜，好丰富啊 ﹗鸿运乳猪全体，饮杯 ﹗乳猪皮有点散，唔够新鲜，略肥而瘦肉少，中规中句。所以我最爱食猪仔脚，肉质结实弹牙幼滑又唔肥，烧得香口，抢住食，正呀 ﹗碧绿珊瑚虾仁，稳阵稳阵，西兰花爽甜脆卜卜，加埋豆瓣酱更惹味。虾球、珊瑚蚌、西兰花混在一起食，爽爽加爽，好味道 ﹗虾球弹、珊瑚蚌爽、西兰花脆，满意。瑶柱蟹肉双翡翠，揾唔到双翡翠㖞，唔系两款菜咩？依家一菇一菜，只有草菇跟小棠菜呢。只草菇对住我笑㖞，开心的草菇！蟹肉瑶柱扒双蔬，芡汁紧紧抱著小棠菜，食得出蟹肉既鲜甜跟瑶柱丝既香口，扒任何菜都会好好味。如果用鲜草菇代替罐头草菇就
我最关注既都系今晚有咩好野食呢 ﹗鸿运乳猪全体、碧绿珊瑚虾仁、瑶柱蟹肉双翡翠、百花炸酿蟹拑、竹笙鸡丝生翅、生扣原只南非鲜鲍鱼、清蒸沙巴龙皇、酱油脆皮烧鸡、杨州炒饭、干烧伊面、百年好合、甜甜蜜蜜，好丰富啊 ﹗
鸿运乳猪全体，饮杯 ﹗乳猪皮有点散，唔够新鲜，略肥而瘦肉少，中规中句。所以我最爱食猪仔脚，肉质结实弹牙幼滑又唔肥，烧得香口，抢住食，正呀 ﹗碧绿珊瑚虾仁，稳阵稳阵，西兰花爽甜脆卜卜，加埋豆瓣酱更惹味。虾球、珊瑚蚌、西兰花混在一起食，爽爽加爽，好味道 ﹗虾球弹、珊瑚蚌爽、西兰花脆，满意。
瑶柱蟹肉双翡翠，揾唔到双翡翠㖞，唔系两款菜咩？依家一菇一菜，只有草菇跟小棠菜呢。只草菇对住我笑㖞，开心的草菇！蟹肉瑶柱扒双蔬，芡汁紧紧抱著小棠菜，食得出蟹肉既鲜甜跟瑶柱丝既香口，扒任何菜都会好好味。如果用鲜草菇代替罐头草菇就更开心啦，仲要原粒唔好开半㖞，所有水份锁系里面，一咬爆汁先好食麻。不过温度实在有点冻，小棠菜灼完都应该放左一段长时间，只系淋个芡汁系面不足以令到整碟菜都热起来呢，失败 ﹗
百花炸酿蟹拑，劲弹呀 ﹗外层炸得金黄松脆，坚系咬都索索声呢 ﹗虾胶非常结实，弹到不得了，应该当波打都绝无问题。虾肉鲜甜又充满肉汁，点上甜酸汁同吃就更醒胃啦，仲可以减轻煎炸热气感觉添。
竹笙鸡丝生翅，话咁快又到中场鱼翅漱口时间喇 ﹗各食家双眼发光，打雀咁眼，全神贯注，蠢蠢欲动 ﹗浓郁高汤底超级香甜有深度，调得厚薄适中，甜味中渗出丝丝鸡肉鲜味，竹笙爽口又索汁，混上鸡丝跟生翅涌入口中，令整个口腔都充满清香味道，好食好食。早前睇电视节目，有位名厨讲解鱼翅正确食法，称醋并不是混埋鱼翅一齐食架，只系食完鱼翅呷一口醋，清清胶质及芡汁的呢。明白晒，原来如此。
生扣原只南非鲜鲍鱼，鲍鱼非常有鲜味，又好有弹性，不鞋不硬，好味。生菜爽甜又多汁，卷上带鲍鱼味既蚝汁大束大束咁掉入口，好幸福啊 ﹗清蒸沙巴龙皇，终于有鱼食喇 ﹗最爱啖啖肉既大海斑，而且仲有厚厚既面珠登食添 ﹗蒸得刚刚好，鱼肉厚得黎不干不鞋，又滑又无渣，鱼味浓郁配上蒸鱼豉油好味啊 ﹗面珠登肉非常弹牙又结实，我唔客气喇 ﹗好多朋友仔已经好饱，唔洗担心，我帮大家食埋啦。
酱油脆皮烧鸡，由头带到尾我都有点食唔落喇，试一旧鸡咁多啦。鸡皮劲脆唔油腻，肉质幼滑，但鸡肉完全无味，哈哈 ﹗唔怪得会有黑糖豉油跟啦。干烧伊面，无味既，咁搞笑，而且太腍喇，唔会因为赶收工挂。杨州炒饭，无料㖞，得少少菜粒、少少火腿粒，炒到湿淋淋，无镬气又唔香，劣 ﹗百年好合、甜甜蜜蜜，到底边款打边款呢？是但啦，我都唔食甜品既。
鸿运乳猪全体
22 浏览
0 赞好
0 留言
鸿运乳猪全体
17 浏览
0 赞好
0 留言
碧绿珊瑚虾仁
19 浏览
0 赞好
0 留言
瑶柱蟹肉双翡翠
15 浏览
0 赞好
0 留言
瑶柱蟹肉双翡翠
13 浏览
0 赞好
0 留言
百花炸酿蟹拑
19 浏览
1 赞好
0 留言
百花炸酿蟹拑
11 浏览
0 赞好
0 留言
竹笙鸡丝生翅
13 浏览
0 赞好
0 留言
竹笙鸡丝生翅
13 浏览
0 赞好
0 留言
竹笙鸡丝生翅
20 浏览
0 赞好
0 留言
生扣原只南非鲜鲍鱼
16 浏览
0 赞好
0 留言
生扣原只南非鲜鲍鱼
14 浏览
0 赞好
0 留言
清蒸沙巴龙皇
14 浏览
0 赞好
0 留言
清蒸沙巴龙皇
17 浏览
0 赞好
0 留言
酱油脆皮烧鸡
20 浏览
0 赞好
0 留言
干烧伊面
26 浏览
0 赞好
0 留言
杨州炒饭
7 浏览
0 赞好
0 留言
百年好合、甜甜蜜蜜
20 浏览
0 赞好
0 留言
张贴
