影片
更多
2017-08-10
3244 浏览
系香港食日式烧肉, 价钱一般都偏贵, 如果要食到饱, 可能每人至少都要过千蚊落楼。半年前同妈咪黎过尖沙咀伊贺食烧肉放题, 每位价钱都系三百蚊有找, 就可以任点任食120分钟, 每位加多HK$30仲可以任饮汽水tim~今晚相约一班旧同学出来聚聚, 一齐食返餐放题, 拣左呢间近尖东站既"伊贺日本烧肉料理", 胜在之前我做过白老鼠, 唔会系伏!当晚系平日晚8点左右, 餐厅内已经坐满食客, 不过店内抽烟系统未如理想, 店内稍为有点烟雾弥漫既视觉效果。所有order都以ipad点, 减少出现落错单/漏单情况出现, 点完order, 其实d野食黎得好快…其实黎得呢度食烧肉, 都预左比多HK$30转任饮汽水, 而呢度除左可乐、忌廉、7喜等汽水外, 都有提供呢D出面较为少见既饮品。如果想饮酒既朋友, 就要额外加HK$48/杯喇~四人入座就可以食到海胆刺身船:海胆很清甜, 完全没有腥臭味, 入口即溶刺身船中鱿鱼、海胆、蟹钳同埋象拔蚌都冇得再Order~不过象拔蚌入口有阵腥味....三文鱼被切得有一定既厚度, 虽然鱼油味唔太突出, 入口有点口感。反而火灸三文鱼寿司稍为烧过, 所以鱼油较为丰富。更有军舰同埋
今晚相约一班旧同学出来聚聚, 一齐食返餐放题, 拣左呢间近尖东站既"伊贺日本烧肉料理", 胜在之前我做过白老鼠, 唔会系伏!
当晚系平日晚8点左右, 餐厅内已经坐满食客, 不过店内抽烟系统未如理想, 店内稍为有点烟雾弥漫既视觉效果。
所有order都以ipad点, 减少出现落错单/漏单情况出现, 点完order, 其实d野食黎得好快…
其实黎得呢度食烧肉, 都预左比多HK$30转任饮汽水, 而呢度除左可乐、忌廉、7喜等汽水外, 都有提供呢D出面较为少见既饮品。
如果想饮酒既朋友, 就要额外加HK$48/杯喇~
四人入座就可以食到海胆刺身船:
海胆很清甜, 完全没有腥臭味, 入口即溶
刺身船中鱿鱼、海胆、蟹钳同埋象拔蚌都冇得再Order~
不过象拔蚌入口有阵腥味....
三文鱼被切得有一定既厚度, 虽然鱼油味唔太突出, 入口有点口感。
反而火灸三文鱼寿司稍为烧过, 所以鱼油较为丰富。
更有军舰同埋日式冻食前菜。
烧肉方面, 猪、牛、羊、鸡款式齐全, 所有肉类都为薄切, 所以略为烧下, Keep到少少肉汁就可以好快食得。
安格斯小牛排牛脂分布很平均, 入口时牛脂味都很突出。
就连有骨牛肋肉都唔会好韧~
不得不赞呢度既单骨鸡翼, 腌得非常入味, 有原味同辣味选择, 正!! 我地Encorn左好几ROUND。
呢度更有提供日式炸物, 吉列炸虾 表面炸得干身脆口, 鸡软骨更很爽脆
炸鲜奶 外脆内软, 入口有淡淡既牛奶香, 甜甜地
除左烧肉, 呢度更提供海鲜, 海虾、青口、带子、鱿鱼松、蛏子、蚬等等....
海虾大大只, 而且很爽甜, 不是死虾
青口同带子都加上少少牛油, 很惹味
最正既一定系蛏子, 用一小器皿装住咁烧, 唔怕系烧既过程中抽干水份, 蛏子中既汤有被调味, 甜甜地,又带少少咸, 更显鲜甜味。
可惜我地打算点第二ROUND, ipad中已显示缺货, 很失望。
不过呢度既海鲜清洁都做得唔错, 海鲜中都没有食到有沙泥。
蔬菜我地就拣左牛油金菇同埋栗米, 同样地都order第二round, 栗米粒都缺货了。
最后, 每人更可获一杯雪糕做甜品, 不过雪糕很奇怪为半溶状...幸好回家都没有肚痛。
如果每晚九点半入座, 更有8折优惠, 但就要先考虑一下食物既缺货程度喇~
整体黎讲, 呢度既食物质素水准都不错, 只是有某几款食物很快缺货, 但总算肉类的存货充足, 食到差不多十点, 肉类都没有缺货问题出现。
而且呢度没有漏单问题, 食物又黎得几快, 侍应都很招呼周到, 不时为我地换碟等等...
尖沙咀地段任食烧肉两小时, 仲有埋日式小食、刺身等等....的确系几抵!
张贴
