可可豬海南雞專門店 (寶榮大廈) (已結業)

今日去砲台山路经呢间 海南鸡饭专门店, 佢特别系加入健康养生汤水食疗元素, 喺呢一区几受欢迎, 好多人帮衬。 我咁为食, 就买外卖返屋企试下！椰香海南鸡饭外卖用纸盒盛载, 干净方便又环保。海南鸡 采用嫩鸡脂肪较少, 肉质嫩滑鲜甜多汁, 用上汤浸透散发阵阵鸡油香味, 无骨啖啖肉, 配搭椰香饭, 完美组合！日式胡麻酱手撕鸡冷面有生菜丝、青瓜片、手撕鸡加上日式冷面。清新爽口, 天气闷热, 当沙律冷盘食健康有益, 加上日式胡麻酱, 更加滋味！卤水鸡肾、养生秋葵套餐我追加小食。卤水入味唔系死咸, 鸡肾爽口。秋葵新鲜有益养生, 黏嘴无滑潺潺感觉！食疗拿杯汤、罗汉果茶自家炮制食疗汤水, 每天不同很有家的感觉。罗汉果茶加入杞子, 冰甜润喉, 生津解渴, 明目养颜！养生之选！