香港仔周記點心茶餐廳 (已結業)

一般中式酒楼点心食完难免觉得有啲油腻同埋口渴，偶然经过呢间主打零味精嘅点心，一于试下。中午时间去到人都几多，虽然搭枱都唔会好逼。正所谓饮啖茶食个包，就叫左黄金流心包，黎到都几大只，涨卜卜咁，流沙唔算太甜，入面有d粗d嘅粒粒，望真d原来系蛋黄，都几足料。然后系招牌虾饺，睇过呢度嘅食评虾饺原来之前有唔同嘅口味不过去到而家呢就得返最正宗嘅味道，虽然得三粒但好大只，皮都好好咬，最怕就系𠮶啲入口即融嘅虾饺皮，呢只感觉对我嚟讲就啱啱好嘞。夏天胃口唔太大，又想一个人饮茶，呢度系中上环区都算系唔错嘅选择。