湯加 (黃埔天地)

营业中

休息中

平时午餐都唔中意食饭，求其食个面就算。依家通街都系米线店，食完次都好口渴，汤底好多味精。听讲黄埔大翻新多左好多野行，今日咁岩放街就去行下街。行街前紧系揾小小野食左先啦，因为太饿啦，随便见到间面店冇乜人就入左去🤤——一睇menu，就知冇入错餐厅，全部野都好健康，好岩我口味。我地2个人叫左3份野食，其中2个跟餐。——海鲜淮山面 配菊花蜜卖相十分好，海鲜足料。海底要左清底，清清地，有海鲜鲜味。面系加左淮山打成，不过食落同普通上海面冇乜分别，口感弹牙，好食。😋菊花蜜味道天然，菊花香味好岀，但不会太甜，好过饮柠茶啊！——虾滑淮山面 配金桔蜜虾滑好足料，有成7,8件，但略嫌唔够爽牙，感觉虾既成份唔系好多。汤底要左鱼汤，好清冇乜油份，食落去唔会好多味精既感觉但又够味😜——一人一个面之外，我地仲叫左份生菜鱼肉。店员贴心问我地洗唔洗走饭，先知原来系配饭既，可以转做糙米饭添！不过我地都系嗌左走饭，唔好浪费食物嘛！🙂🙂鱼肉系陵鱼打成既，弹牙有口感，份量好足，成碗都系！生菜相对就有点少，而且烚得耐左小小，有点淋唔系爽脆。呢份如果跟饭食可能会有小小清淡，但当系小食就好合适啦。——2人午市埋单$146。最后赞下，