營然 (已結業)

𠮶日约咗朋友，朋友想食啲健康嘅嘢，公司附近有一间餐厅啱晒佢要求。餐厅位于北角，铺头唔算太大，环境十分整洁。是日餐汤同炖汤非常吸引。仲有饺子套餐，手撕鸡同其他小食，饮品亦非常吸引。洛神花山楂，酸酸地非常开胃。无花果雪梨苹果，非常清新嘅配搭。蕃茄薯仔汤，汤味浓郁，茄味香浓。是日炖汤红枣杞子猴头菇，火候十足，材料丰富，饮落十分滋润清甜。麻辣皮蛋豆腐，豆腐嫩滑，配合皮蛋独特嘅味道，加上麻辣味非常刺激。番茄猪肉饺子同香菇粟米猪肉饺子，饺子皮薄，而且馅料十足，肥猪肉相对比较少，再配上口感弹牙嘅菠菜面。口水鸡饭，鸡肉嫩滑，口水鸡酱汁非常野味，加埋麻油非常香口。餐厅食物味道一流而且价钱合理，绝对适合喜欢健康之人。