Pokéworld (已結業)

Poke bowl 一路听人讲左好多次，今次终于自己试一次。嚟到呢间细细地嘅餐厅仔，入边所有店员都系外国人，有少少似某连锁美式潜艇堡品牌。呢度可以自己选择个base要几多沙律、荞麦面、寿司饭，好适合𠮶啲戒淀粉质黎减肥嘅人。有时间可以选择自选组合，赶时间亦都可以拣呢度set好咗嘅signature dish。都算系几周到。有啲惊喜喺呢度细细间铺，竟然个几企理嘅厕所。我就拣咗半菜半荞麦面，要三文鱼同埋吞拿鱼，另外加咗$8要edamame。要左沙律醋，但系食落唔觉有味，如果再酸甜啲就好啦。呢度午市可以加$3要个面豉汤，店员竟然收紧钱𠮶系我面前用粉冲个汤俾我，有少少搞笑。呢度大部份人都系买外卖，所以中午时间都几多位坐。下午茶好似都几抵食，下次试下星期六黎先。