椰粉湯紅 (已結業)

平时出街食饭有时都几唔健康，比较多煎炸野，呢日就同屋企人拣左一间食健康家常菜既餐厅食dinner。睇睇餐牌，见到啲野食都几抵食。我地点左个蜂蜜柚子鸡，呢个鸡系配彩虹饭，入面有红米同粟米，比较健康。柚子鸡炸到好香脆，配上酸酸甜甜既柚子酱，好开胃！跟餐加12蚊加左碟时令靓菜，补充一下营养！另外仲点左香草红酒牛腩饭，牛腩炆到好入味同嫩滑，啲汁捞饭真系好好食！两个餐都加15蚊要做食疗拿杯汤，啲靓汤放入杯入面，好易饮。