有囍 (已結業)

今日行开太子花墟买小植物，行到太饿就一于系太子食个午餐，虽然一个人但都唔想食得太颓，又唔想食茶记，一于试下呢间「有囍」主打星马泰菜！海南鸡饭配迷你肉骨茶黎到一于食下佢个招牌海车鸡同肉骨茶！好贴心真系有呢个选择！为左健康啲就将油饭转白饭！同埋想食菜就叫了个油菜（全走），职员都好好，落单都好清晰写转白饭同油菜（全走）！海南鸡口感嫩滑，鸡味再浓一点更好，幸好有配三种酱料理，配有黑豉油、姜蓉及辣酱，海南鸡配酱料更惹味！迷你肉骨茶，材料十足，食肉骨茶就知道分两种！一种系新加坡的胡椒味重，一种系马来西亚的药材味浓！呢到嘅肉骨茶偏向药材味，但又不太重药材味，可能转了小小配方更适合香港人口味！而个油菜估唔到咁大碟，满足了我想食多些菜嘅欲望！菜够新鲜，好翠绿，煮得够爽口清甜！