NUTTEA (海光街) (已結業)

好多人平时都好钟意出街买杯野饮，我都唔例外。不过平时街上多数系啲好甜既珍珠奶茶，好唔健康。今日经过鲗鱼涌既时候比我发现呢间专卖坚果饮料既饮品店。佢呢间店最出名系坚果奶盖，亦都有坚果奶，感觉好健康。同埋我平时系劲钟意食nuts既，完全岩哂我。佢啲野饮全部都劲吸引，我同朋友一人点左一杯野饮。佢呢度有好多唔同选择，包括有坚果奶盖茶、水果茶、冷萃茗茶、坚果奶·茶、坚果奶同埋手冲精品咖啡，包有一款岩口味！我点左一杯宇治抹茶坚果奶盖茶，呢杯野饮真系冇得弹，浓香既抹茶上面盖全住丰厚既奶盖，我钟意唔用饮管就咁饮，咁就可以一次过饮到抹茶同埋奶盖！坚果奶盖比起出面既芝士奶盖冇咁滞，饮多啲都冇罪恶感！朋友点左火龙果坚果奶，好特别既野饮，好味又健康！