Goobne Chicken (V Point)

营业中

休息中

知道goobne定期都会推出新食品，夜晚喺铜锣湾行完街，一于嚟铜锣湾分店试吓。位于V-point 25楼，坐窗边可以睇到少少维港景色。柚子沙冰，酸酸甜甜，十分开胃，炎炎夏日饮真系凉透心！韩式炒粉丝鸡蛋卷，粉丝炒得几烟韧够味，浓郁嘅蛋香包住溶咗嘅芝士、午餐肉、酸萝卜等配料，配埋隔离酱汁带少少微辣，一啖摆落口，味道好丰富！而且层层松软嘅鸡蛋卷，食落好有口感。十分推介铁板芝士泡菜炒饭，餐厅以铁板上，卖相有啲似火山、芝士似熔岩，几有创意。我同友人趁热嘅时候快手捞匀所有材料。芝士做到拉丝嘅效果，已经急不及待要食泡菜带点酸酸辣辣，好开胃，配埋火箭菜食，更加清新，捞匀香浓嘅芝士，令粒粒饭都挂上而且铁板可以保持热度，一路食其他配菜都唔惊冻左。主角蜜糖咖喱烤鸡，最欣赏餐厅烹调方法唔系用高温油炸，而系用烤烘，十分健康！而且烤鸡可以保持鸡肉细嫩，锁住肉汁，外皮更十分香脆！味道方面，烤鸡有点香辣，洒上香甜蜜糖同杏仁，味道好夹！好惹味！同友人两个食到满载而归好满足！而且用汇丰信用卡仲有优惠优惠去到6月30号！原本想试呢个新款香港限定菜式(用汇丰咭有七折)，但卖晒唯有下次早啲嚟。