NUTTEA (海光街) (已結業)

公司楼下开左呢间NUTTEA咁耐，次次经过佢时都一系就食到劲饱，一系就见到入面好多人，今日既下午茶时间4点几又饿饿地，就试下落去揾野食，咁岩见到NUTTEA 难得地冇人排，因为人人都番晒工，机会就黎喇飞云，就叫左杯佢贴晒出黎写住2019年台湾奶茶节金奖既伯爵朱古力坚果奶盖茶，menu到仲mark住左3粒星星推界，亦系全店最贵既一杯。伯爵朱古力坚果奶盖茶 $47呢杯伯爵朱古力坚果奶盖茶系写明用100%纯巧克力无牛奶添加制作而成既，而个伯爵茶就系属于印度产地既格雷伯爵，面头有一层厚厚用坚果打成既朱古力味奶盖，奶盖相当浓郁厚实，店只系会直情比支匙羹你舀黎吃既咁厚身，食落去就好似食紧朱古力mousse咁，但朱古力味就唔系好够浓，可能因为比D nuts 味盖过左，奶盖下既茶底系好清香伯爵红茶，茶味都香醇，但如果捞埋D奶盖一齐咁入，成杯系好淡味，亦唔似饮紧奶茶，冇奶味又冇朱古力味，饮紧一杯甜甜地既红茶咁，有少少怪，不过成杯饮完系会好饱，因为个奶盖的确系几厚，不过个人认为呢杯茶有贵左少少，下次再饮会想试下其他味。