影片
更多
2018-08-06
18 浏览
最近系Openrice见到呢一间店舖非常受欢迎，闻名不如一试，呢日放假就特登去湾仔试吓佢嘅真味道！店舖位于湾仔星街，虽然系星街，但实际上比较近金钟，建议大家系金钟地铁站落车行过去比较快！店舖打嘅路线同一般嘅Cafe唔同，佢哋除咗卖咖啡之外，亦都系售卖唔同嘅水果饮料。其中店舖入面嘅西兰花墙必定系打卡嘅热点之一！店舖好细心地喺Menu上亦都介绍咗唔同嘅水果饮料入面嘅成份以及功效，令我哋呢啲唔系好熟悉唔同水果嘅人都可以选择自己适当嘅饮料。落单嘅时候店员仲同我地讲解一下杯野饮嘅成份同埋功效，非常之细心。其中不得不试嘅当然系佢哋嘅名物Avolatte! 店员首先将牛油果内嘅果肉全部拿出，并将咖啡倒进牛油果壳内，而牛油果肉则用作承托牛油果之用。整体的配搭十分之新鲜，咖啡嘅味道亦恰到好处。最健康嘅系，饮完咖啡后仲可以食埋牛油果肉。牛油果嘅新鲜程度则不用多说，始终系以水果饮料起家嘅店舖。一杯嘢饮就可以有食有饮，性价比非常之高。当然我哋都有尝试佢哋嘅自家饮料啦！我哋拣咗呢一杯Runner’s delight，佢使用牛油果，苹果，柠檬等唔同嘅水果打出而成。整体嘅口感非常之厚身，牛油果味尤其突出。值得一赞嘅
店舖位于湾仔星街，虽然系星街，但实际上比较近金钟，建议大家系金钟地铁站落车行过去比较快！
店舖打嘅路线同一般嘅Cafe唔同，佢哋除咗卖咖啡之外，亦都系售卖唔同嘅水果饮料。其中店舖入面嘅西兰花墙必定系打卡嘅热点之一！
店舖好细心地喺Menu上亦都介绍咗唔同嘅水果饮料入面嘅成份以及功效，令我哋呢啲唔系好熟悉唔同水果嘅人都可以选择自己适当嘅饮料。落单嘅时候店员仲同我地讲解一下杯野饮嘅成份同埋功效，非常之细心。
其中不得不试嘅当然系佢哋嘅名物Avolatte! 店员首先将牛油果内嘅果肉全部拿出，并将咖啡倒进牛油果壳内，而牛油果肉则用作承托牛油果之用。整体的配搭十分之新鲜，咖啡嘅味道亦恰到好处。最健康嘅系，饮完咖啡后仲可以食埋牛油果肉。牛油果嘅新鲜程度则不用多说，始终系以水果饮料起家嘅店舖。一杯嘢饮就可以有食有饮，性价比非常之高。
当然我哋都有尝试佢哋嘅自家饮料啦！我哋拣咗呢一杯Runner’s delight，佢使用牛油果，苹果，柠檬等唔同嘅水果打出而成。整体嘅口感非常之厚身，牛油果味尤其突出。值得一赞嘅系，店舖并没有加冰，维持返饮料本身应有嘅口感同埋味道。值得一赞！
最后我哋仲试左佢嘅朱古力曲奇。出乎意料地佢哋曲奇系相当之好食。我都冇谂过系一间Cafe入面(仲要系主打水果饮料)嘅小食十分之突出！曲奇质地非常之脆口，而且内里仲有少量嘅朱古力粒。我自己比较钟意食高浓度嘅朱古力，而呢一种曲奇嘅朱古力浓度非常之高，非常香口。
总括而言，呢一间店舖比较追求贵精不贵多嘅路线，所叫嘅两杯饮品同埋小食质素都非常之高。如果系同朋友喺金钟行到攰，想饮杯咖啡倾吓计嘅时候，呢间店舖绝对系一个非常好嘅选择。当然啦，健康都系其中一个好重要嘅因素之一！
张贴
