夏午茶 (已結業)

接阿仔放学，被鲜蓝色嘅招牌吸引！呢间饮品小店有一个得意嘅名字叫「夏午茶」。老板系一位可爱亲切嘅少女，佢诚意推荐燕麦奶昔。我知道燕麦好处多多，既有水溶性纤维，可助降低胆固醇，亦非常高纤，有助提升饱肚感。无谂过燕麦可以加入饮品，咁健康嘅配搭，我当然要试吓。🥭鲜芒果燕麦奶昔（$37）混合咗新鲜芒果蓉、浓厚嘅酸奶同粒粒燕麦，味道微酸带甜，而且富有燕麦嘅香味。我觉得饮完一杯已经好饱。如果炎热嘅天气冇乜胃，可以饮返一杯，绝对系健康又消暑嘅选择。🍓酸奶莓莓绵绵冰 （$32）1/3杯新鲜士多啤梨配上酸奶同冰沙，口感冰凉顺滑，清爽唔会过甜。天然嘅果香同奶香，令小朋友饮得好开心。呢杯饮品仲可以配合三款不同嘅茶底（红茶、铁观音、四季春），令味道更有特色。临走嘅时候，突然落起毛毛细雨。美少女老板细心地帮我用胶袋装起两杯饮品，方便我携带。我觉得「夏午茶」唔单止适合夏天嘅下午时份去饮，就算春天、秋天同冬天嘅任何时候都可以去叹返杯美味可口嘅饮品。