銘陽車仔麵 (已搬遷) 新店位置

今日成朝都好多嘢做，响福来邨见完客已经系三点几，好肚饿，行去路德围揾嘢食先，见呢间车仔面话系无味精几好咁㖞，好耐无食车仔面，一于入去试试佢。店内光猛企理，坐位舒适，呢个时间有下午茶套餐，不过我就钟意自由配搭，所以就响白单上面拣选。太耐无食，好多𩠌想食，但系面底系固定无得少，左拣右拣，都系想食多几款，最多食埋晚餐个份柚皮制作繁复，要经多次浸水挤压，直至去尽苦涩味才可烹调。自己做过一次之后，就无整过，居然响车仔面店有得食，点可以唔点呢柚皮入口即溶，味微辣，微微柚香无苦涩味猪大肠干净无异味，卤水入味，够腍又保留咬口萝卜有好多旧， 够腍又入味，原来系以猪骨汤煮，唔怪之得啦咖哩辣鱿鱼主要系须，咬落 少少腍身有咬口，个汁唔系一般嘅咖哩汁，加咗芝麻，味香浓，食时唔觉辣，但系辣有后劲韮菜刚好，唔会熟过头，咬落爽爽声鲜切面份量多，烟韧有嚼头，走汤可免浸腍最后食唔晒啲面，唔想浪费，打包走食面加$9有杯珍珠奶茶，梗系要饮啦，茶味香浓珍珠表面腍，中间软韧，估唔到又几好饮㖞原本想试埋猪肠碌、青瓜和豆芽，实在太饱了，下次有机会再试。