酥妃皇后 (裕民坊YM²) (已結業)

佢比较出名嘅系手工蛋挞，但个人比较钟意食佢嘅手工果仁挞。夏天又系减磅嘅日子，都唔太敢食太多甜品。不过有时真系忍唔到口嘅时候，就俾自己食一个果仁挞过下口瘾佢嘅果仁挞主要系腰果同杏仁，加上小小开心果做点缀。腰果同杏仁都非常香脆新鲜，食得出系即日整起嘅，果仁外面有一层薄薄嘅焦糖包裹住，食落唔会黐牙之余又多一重香甜嘅味道。挞底都食落有小小似蛋糕嘅口感，偏湿润，唔会话食落好干，而外面酥皮虽然有小小觉得焗过咗龙，但唔系好影响整体口感。成件挞唔系话好大件嘅，$18蚊一件，话好抵食嘅话就唔系嘅，不过以手工挞黎计，材料又新鲜嘅份上，加上不唔系成日食，所以觉得还可以。