大麥牛肉麵 (已結業)

去完揾朋友～经过见到间台湾嘢～超级钟意台湾嘅我～紧系唔放过啦～入到去店员热情招待，好有亲切感～地方不大，但环境装饰简单得嚟好舒服～就咁睇Menu食物选择唔多～但睇相好似好好味咁～台湾牛肉面我就见得多，荞麦面我又小见㖞～所以我就叫咗佢个 招牌红烧牛肉荞麦面～卖相唔错㖞～牛肉好嫩而又大件～汤底系无味精，但又食到佢好够味～店员话个汤底系佢哋熬咗72个钟嘅牛高汤再加秘制酱料而成～饮落都唔同啲～到个荞麦面～质感几好～同牛肉都几衬～成碗面感觉好健康～朋友叫咗古早卤味鸡腿饭～剩返最后一只～朋友话好彩叫到咋好大鸡脾啊～好吸引～我都食咗小小～鸡脾吸晒卤汁啲味道～好好味啊～另外仲叫咗个卤肉饭～味道十足～唔该来多几碗饭吖～小食叫咗卤水鸡翼当然都系吸晒啲卤水味道啦～无鸡脾～食住鸡翼顶住先～皮蛋豆腐～豆腐好滑，容易夹起，唔会一夹就散～面层有我最爱嘅肉松，同埋皮蛋一齐食，味道更加分～饮品我叫咗桂花薄荷酸梅汤～酸梅汤带点薄荷味又几特别～大家可以一试～