大麥牛肉麵 (已結業)

招牌红烧牛肉面，可以拣个面底系荞麦面定普通面。今次我拣咗普通面底，张点餐纸仲好贴心，可以拣要唔要辣、葱同芫荽。个普通面好弹牙，值得一赞嘅系个汤底，唔似落咗味精，虽然个汤底冇咩牛肉味，反而饮到白萝卜𠮶阵清甜，一样咁惹味！配菜方面，感觉呢间舖都系著重健康饮食，牛展有四块，厚薄适中，唔会太浓味。饮品方面，个桂花薄荷酸梅汤有惊喜！同平时饮开嘅酸梅汤不一样，呢杯加咗真桂花同薄荷叶，反而𠮶种酸甜味唔会太突出，多左种冰凉感，整体balance好好，清新得黎又好解渴！