Cafe&Meal MUJI (已結業)

Cafe & Meal MUJI 越开越多，我特别钟意黎湾仔呢间，特别系晚市，冇其他分店咁多人。餐厅空间感十足，贯彻无印简约风格，menu 都很讨喜，以季节性食材入馔，多菜少肉，亦有唔少甜品，适合追求均衡饮食嘅现代人。先黎个黑蒜鸡肉沙律，沙律喺视觉上已经好吸引，有露荀、生菜、鸡脾菇片、红菜椒同埋鸡肉，配上黑蒜酱汁，惹味得黎又好清爽。夜晚唔想食咁多淀粉质，点了不时更新嘅九品季节料理，肉类方面有黑椒赤味噌炸鸡（左上），我觉得似煮鸡肉多d，因为唔觉有炸过，酱汁很香浓，不过嗜辣嘅朋友会失望，因为系唔辣嘅，鸡肉尙算嫩滑，同个酱汁好夹；酸味味嘅芒果酱汁豚肉（左下）啱晒夏天食用，啖啖肉得黎唔油腻，冇乜罪恶感。另一热荤系牛油脆烤比目鱼柳（左中），鱼柳用有混入牛肝菌嘅牛油烤过，火候刚好，鱼肉食起黎更油润。另外六款冷盆都很出色，特别喜欢有机藜麦茄子沙律（右上），藜麦本身冇味，但有蕃茄酱汁伴住就唔dry；茭白荀杂豆芝士沙律（右下）嘅芝士奶味浓郁，但有酸酸地嘅青苹果中和返。而和风酱汁拌根茎蔬菜（中上）就很醒胃，有牛蒡、沙葛同莲藕，都很爽脆；春菊拌雪耳黑木耳（右中）配搭少有，味道亦好。吞拿鱼莴荀沙律（中下）个醋