營然 (已結業)

午餐趁有少小时间，去左一间叫营然既餐厅。呢间餐厅主打自家整既饺子同健康。不过我见到有麻辣手撕鸡捞面。就好奇试下啦。手撕鸡肉质地系好，食唔到有雪味，而且食落唔会老同干身，证明无煮过龙。可能店主基于健康同唔想抢左鸡味，所以就少左麻辣酱，但变相对中辣既人黎讲，可以有辣味又健康都不错。面底系清煮上海面，配上浓味手撕鸡，两者都配合。再加一杯冻罗汉果菊花，清清爽爽，好清新又解渴既感觉。平时食浓味野比较多，偶然食清小小又满足肚子，开心呀！