椰粉湯紅 (已結業)

今日去左位于湾仔既椰粉汤红买外卖返屋企食，为既都系饮啖靓汤。餐厅既养生汤系用杯装，而且有专用既手抽，拎到返屋企都唔怕倒泻。是日既「食疗拿杯汤」系天冬麦冬雪梨汤，滋阴润燥、养阴生津、润肺清胃燥热，味道浓郁但完全唔油腻，饮完即系觉得暖哂！除左汤之外，我地仲叫左一个海南鸡饭同埋一个和牛肉粒蛋包饭。海南鸡饭既鸡肉鲜嫩，鸡皮亦都够晒滑，而佢嘅饭亦有淡淡嘅椰香味，口感同味道都非常配合。最重要系佢既秘制酱汁非常好味，同坊间既酱汁味道略有不同，食落有阵阵嘅姜蓉味。而呢度嘅蛋包饭同样带有椰子嘅香味，餐厅另外提供左一兜椰子酱，食嘅时候将椰浆倒落蛋包饭上面，令整个蛋包饭都充满椰子嘅香味。和牛牛肉粒嘅口感就爽口弹牙，感觉有啲似牛丸，但同时又充满肉汁，非常美味。