影片
更多
2021-01-24
715 浏览
过年前去染发，染完头发都已经7点几，赶唔切返屋企煮饭，就去咗salon附近新开嘅日式精品超市谷辰睇下有咩好食！第一次嚟呢个超市，装修同SOGO，一田𠮶啲超市唔系好同，感觉走生活品味路线，有唔少counter都喺出面唔系咁容易揾到。而我就留意到有一间主打日式手工饭团及便当嘅『米角』。饭团选用秋田小町米，我本身都好钟意食秋田小町米，因为特别有米香，饭粒有黏性又不失口感。而我留意到佢哋仲用埋五谷米及黑米，均衡营养，非常健康！饭团款式多多，但我毫不犹疑就拣咗竹笋黑胡麻溏心蛋($32)，一切开就见到流心度刚刚好嘅溏心蛋，配上加咗芝麻嘅秋田小町米，配料简单，但味道好食！店员亦贯彻日本一向认真细致嘅服务态度，知道我外卖返到屋企，紫菜应该已经淋晒，所以都有另外俾到独立包装嘅佐贺县有明紫菜等我包饭团，有明紫菜味道香浓，入口香脆，好欣赏呢个细心嘅安排！另一个北海道昆布伴鲣鱼片饭团($28)用上五谷米，口感烟靭丰富，不过鲣鱼片份量就偏少！米角和式香料慢煮鸡肉海苔五谷便当($68)鸡肉用上鸡胸部份，不过因为系慢煮，所以肉质都唔会好嚡口。虽然用上和式香料，不过鸡肉味道都系比较清淡，适合追求健康嘅人士。五谷饭口感
而我就留意到有一间主打日式手工饭团及便当嘅『米角』。
饭团选用秋田小町米，我本身都好钟意食秋田小町米，因为特别有米香，饭粒有黏性又不失口感。而我留意到佢哋仲用埋五谷米及黑米，均衡营养，非常健康！饭团款式多多，但我毫不犹疑就拣咗竹笋黑胡麻溏心蛋($32)，一切开就见到流心度刚刚好嘅溏心蛋，配上加咗芝麻嘅秋田小町米，配料简单，但味道好食！
店员亦贯彻日本一向认真细致嘅服务态度，知道我外卖返到屋企，紫菜应该已经淋晒，所以都有另外俾到独立包装嘅佐贺县有明紫菜等我包饭团，有明紫菜味道香浓，入口香脆，好欣赏呢个细心嘅安排！
另一个北海道昆布伴鲣鱼片饭团($28)用上五谷米，口感烟靭丰富，不过鲣鱼片份量就偏少！
米角和式香料慢煮鸡肉海苔五谷便当($68)
鸡肉用上鸡胸部份，不过因为系慢煮，所以肉质都唔会好嚡口。虽然用上和式香料，不过鸡肉味道都系比较清淡，适合追求健康嘅人士。五谷饭口感丰富，同其他配料一齐食都几好味。
冲绳海盐烤鲑鱼伴鱼子海苔五谷便当 ($88)
三文鱼即点即烤，简单洒上海盐调味，凸显三文鱼嘅原味，伴上三文鱼子嘅咸香，整个便当健康又唔会太单调。
日式野菜蕃茄浓汤($30)
用上有机三宝树番茄，我自己就觉得番茄味比较出，所以整个汤嘅味道都较为酸，如果加多少少调味就更好。
信州味噌昆布浓汤($30)
味道都系比较清淡，感觉好健康，如果味噌味浓郁一D会更好。
张贴
